Otto踩入博物館撩觀眾鬥戲

藝人陳志健（Otto）與前新聞主播魏綺珊（Jo）合作演出實驗劇場，在文具博物館穿梭於觀眾之間與觀眾鬥戲！Otto對這個「第一次」非常期待：「搵番好多回憶，細個用飯錢抽萬變卡，都唔知抽嚟做乜，同導演葉萬莊傾起，啲卡原來炒到成千蚊，阿Jo都話難以置信！」魏綺珊解釋並非有代溝：「我真係未聽過『炒卡』！不過就算來自唔同年代，對文具店嘅記憶、附有感情嘅嘢各有不同，文具博物館都勾起我哋嘅情懷，希望大家透過呢個劇思考老店嘅意義係咩！觀眾可以好似Otto啲Friend咁踴躍參與，甚至搶戲都無任歡迎！」