陳豪生咗三個：夠喇！
陳豪漏夜陪老婆陳茵媺去急症室後，他昨日出席活動時否認老婆「四度大肚」，指她當時是鼻敏感發作兼雙眼嚴重通紅，陳豪說：「有咗又點會入急症？」已三度當爸爸的他更耍手擰頭不再造人：「夠喇！」
藝人陳豪和「香港小巨肺」譚芷昀（Celine）昨日在九龍塘出席「又一城．喬漢娜的聖誕秘密花園」開幕禮暨聖誕樹亮燈儀式。身穿紅色西裝的陳豪指現場的全港室內最高、達七十呎的聖誕樹「好靚」、「好Warm」，而Celine則在現場獻唱。
眼科檢查
談到本報獨家拍到陳豪與老婆陳茵媺漏夜往醫院睇急症，問太太是否第四度大肚？陳豪笑說：「哈哈，唔係！如果有咗又點會入急症呢？因為太太不嬲都有鼻敏感，嗰晚鼻敏感好犀利，同埋湊小朋友唔夠瞓，對眼紅得好過分。」他續透露醫生指太太沒有大礙，食藥後已好轉：「遲啲都應該去眼科檢查。（紅得好勁？）真係好紅，好擔心，檢查會安心啲！」談到聖誕臨近，陳豪稱一家人留港過節，問會否送禮物給仔女？他說：「屋企已經有好多佢哋嘅禮物，有啲朋友送、有啲屋企人買，我啲小朋友太多玩具，都要教佢哋唔好浪費。（換間大啲嘅屋？）夠大喇，唔使再換，喺屋企已經行餐飽！」
冇親熱戲
已三度當爸爸的他被問會否再生？他耍手擰頭：「夠喇，已經忙到不得了！」最近穿梭中港拍無綫新劇《使徒行者2》的他，被問有否親熱戲？他說：「我就冇w嘅，感情線就同宣萱，其實都唔係太多感情線，情慾戲唔使我嚟。（留番畀苗僑偉？）Yeah！」
文：影視組