祖兒唔早唔遲生仔要「守時」

容祖兒、英皇藝人麥子樂、形象指導Faye及英皇鐘錶珠寶行政總裁楊諾思等，昨晚出席「英皇鐘錶珠寶與帝舵錶呈獻Tudor Heritage Black Bay Exhibition」活動，祖兒即場展示手上最新腕錶，並笑指自己守時：「細個成日遲，大個好啲，啱啱拍拖會好準時。」由於她與男友劉浩龍拍拖多年，問到現時是否可以遲到？祖兒說：「舊時會緊張啲，依家就遲兩、三分鐘。（老夫老妻？）唔好講呢啲名詞。」隨即大讚男人超級準時：「要公開講佢優點，真係好準時，同時亦影響到我。」

用劉浩龍座駕

問到有否收藏名錶？祖兒大方透露曾擁有一隻七位數名錶，她說：「好靚，唔捨得戴，好隆重先會戴。」問到有否收過情侶錶？祖兒說：「冇呀。」並表示現時不愛情侶飾物，反而為了響應環保，會用男友的車。

容祖兒與品牌高層Daniel Neidhart（左）、紐約藝術家Atom Moore（右二）及楊諾思一起舉杯。	麥子樂自爆與女友分手，否認有第三者介入。	形象指導Faye出席昨晚的盛會。

近日不少女星宣布結婚及懷胎，問到祖兒是否接受未婚懷孕？她說：「我唔可以咁肯定答大家，不過我係傳統女仔，想結咗婚先生小朋友。（快啲結婚？）都知大家想見到，不過暫時未有呢個計劃。」說到祖兒年屆三十六，搞笑的她說：「唔使幫我倒數。」

麥子樂被分手

同場的麥子樂透露與圈外女友分手兩個月，問到是否出現「小三」？他否認說：「冇。（被分手？）我成日被分手，自己唔好。（偷食？）唔係，因為愛自己多啲，和平分手。」由於他稍後會拍攝一套電影，當中與兩位女演員有「關係」，問到現實生活是否試過劈腿？麥子樂說：「邊敢？再細個就試過一腳踏兩船。」

文：音樂組

攝：司徒國榮