姊妹鍾浠文護航讚襯絕
模特兒朱韵韵（Angel）前日與三位金蘭姊妹鍾浠文、李月、倪晨曦與緋聞男友余文樂等齊齊開生日派對狂歡，樂仔更上載一段「假人挑戰」短片洩「蜜」！事後，鍾浠文與李月接受電話訪問時問到姊妹拍拖一事，鍾浠文說：「拍拖就唔會咁揚啦！佢哋係好好朋友，如果真係有嘢就一早有嘢喇！（覺得佢哋襯唔襯？）一個靚仔，一個靚女，實襯(O架)。」又衷心希望Angel找到一個愛護她的人。
至於下月便是預產期的李月笑言挺巨肚都要現身賀姊妹，同樣指兩人是認識多時的好友：「佢哋識咗好耐，唔係拍拖，所以唔介意將啲嘢擺上網。」Angel另一位好姊妹楊愛瑾（Miki）回應洩「蜜」一事，同樣指Angel與樂仔只是朋友。
