余文樂短片洩「蜜」朱韵韵宣示主權

今年35歲、身家逾千萬的藝人余文樂自2013年與歌手吳雨霏（Kary）分手後，感情世界備受關注，有樣有車有樓的樂仔貴為鑽石王老五，曾出口術想結婚生仔，更被身邊好友舒淇催婚。近年雖與內地女星周冬雨及DJ阮小儀傳緋聞，但據知樂仔一直對大胸長腿索女情有獨鍾，最近更秘戀身高1米75、名模Mandy Lieu旗下模特兒朱韵韵（Angel），無論身形與身材同樣符合其口味。雖然兩人曾多次拍拖斷正，除了被指雙雙到台灣預支蜜月及女方特地飛往北京撐余文樂開時裝店，但樂仔為保「愛苗」否認與Angel拍拖，對戀情啟動「安全模式」！

前後腳上載 留言示愛

不過網上世界漏洞太多，身為樂仔「秘密女友」的Angel前晚趁着29歲生日大日子，在Instagram上載與模特兒公司老闆娘李月、模特兒倪晨曦及鍾浠文等慶祝合照並留言：「20161123謝謝我的寶貝們，最重要的日子留給最愛的人！」Angel上載照片一小時後，樂仔隨即上載短片，片中赫然發現樂仔原來同樣在生日派對現場，與其他朋友一同為Angel慶生！眾人在場玩得盡興，還大玩近期Hit爆全球的Mannequin challenge（假人挑戰），當中見Angel扮吹蠟燭，余文樂則坐正對面，並趁轉鏡頭角度時換上兩個甫士顯誠意。樂仔上載短片洩「蜜」，雖然未有寫下祝福字句，但已默默公開Angel地位，一切無聲勝有聲。

余文樂與Angel傳緋聞已久，如今有片為證，戀情進一步浮面。	Angel身形高挑，一雙長腿「足」以令人Crazy！	Angel（左）擁有玲瓏浮「凸」身材。

Angel見獲樂仔認同「正印」身份，即不避嫌上載與男友一模一樣的短片，似乎要宣示主權兼確認地位，相信Angel在生日會合照上留言「最重要的日子留給最愛的人！」，似乎「最愛的人」是暗有所指，令關係進一步明朗化。記者昨日向Angel求證戀情，她講到明「將來嘅事冇人知」：「同樂仔係好好朋友，唔係避嫌，同朋友一齊慶祝。（『最愛的人』暗示樂仔？）係我幾個好朋友李月、倪晨曦同鍾浠文，每年都同佢哋一齊慶祝。（樂仔係其中之一？）同佢識咗七、八年。（發展成情侶？）將來嘅事冇人知，一路係好朋友。」

讚孝順 同樣愛小朋友

雖然如此，但她亦按捺不住讚樂仔孝順，對身邊朋友很好。問到有否發展機會？Angel只笑不語，再追問早前樂仔被舒淇催婚，而他又極喜歡小朋友，她即搶答：「我都好鍾意小朋友。（有冇試過單獨出街？）同一大班朋友一齊出街。（搵朋友做掩護？）同一班朋友一齊玩開心啲。」

雖然Ig洩「蜜」，但樂仔受訪時依然力保戀情：「我知大家好關心我冇着落，但真係出現嘅話，我會坦白承認。如果真係唔想畀大家知就唔會Post出嚟。」

Profile

朱韵韵（Angel）

年齡：29歲

身高：1米75 三圍：32、25、35

演出經驗：年僅16歲已成為兼職模特兒，主要拍廣告硬照，曾擔任亞視節目《地膽》主持。

文：專案組