《廣告狂人》（Mad Men）男星Jon Hamm日前與主持Billy Eichner到街頭錄影節目，周街問途人玩唔玩3P，只要對方答應就會送出1美元（約7.76港元）。不過，二人一開始就食檸檬，問到一位黑人女士時，Billy落足嘴頭：「我就係基嘅，你又係黑人，仲係大碼身材，Jon就拎過演員工會獎，呢個組合咩都齊，好革新！」豈料對方潑冷水指Jon未拎過奧斯卡，兩男另被已婚女子拒絕3P要求。不過轉搵「男伴」則大有市場，百發百中，有男士一口答應，但因「床上角色」問題傾唔掂數！另有男士答應後，仲話唔介意發生性行為時，Jon突然喜劇角色上身，又指：「聽落都好過癮呀！」