狄維封最性感男士忍唔住搶閘爆相

《People》雜誌原定於美國時間本月15日公布年度最性感男士，但有美媒日前踢爆外號「The Rock」的44歲男星狄維莊遜已經獲選，還已為專題拍封面照。而狄維昨日忍唔住於社交網Instagram「爆響口」，分享着西裝Chok甫照，並留言：「我喺度為下個月推出嘅雜誌封面獻出『第一次』，擺緊差利卓別靈（Charlie Chaplin）甫士。今次會係一個大驚喜，所以我依家喺度破壞緊成件事。」雙方雖未回應傳聞，但「賽果」已呼之欲出！

唔排除競選總統

狄維繼碧咸（David Beckham）及畢彼特（Brad Pitt）等型男後首封「最性感男士」，加上近兩年連接7片，人氣一時無兩！而他亦於社交網分享趕通告花絮，活動接活動忙個不停，被問到未來會否競選美國總統時，他更明言唔排除可能性，相信到時多幾個分身都有排忙！

賴恩上床搵啱老婆

此外，曾獲封「最性感男士」的型男賴恩雷諾士日前獲《GQ》年度男士殊榮，受訪時大膽借老婆Blake Lively講笑，指上床後即知女方為真命天女，事後才正經冧講二人一舞定情的經過！他透露拍完《死侍：不死現身》（Deadpool）後患上焦慮症，有感外界對電影的注意令自己好大壓力，又首次回應與導演Tim Miller於續集出現創作分歧一事：「在特效方面，我不會阻礙Tim嘅工作，但我花11年研究死侍，對角色及影片風格好了解，會一直以『討厭鬼』形象來掌控整個過程。」另外，賴恩分飾兩角扮兄弟訪問自己，不停爆粗之外，再擺Blake上枱講鹹濕笑話，講到無人比賴恩更值得拎年度男士時，鏡頭一轉更影住新片拍檔積佳蘭賀（Jake Gyllenhaal）客串幫手收音，場面搞笑！

文：外娛組