利穎怡灌酒拍親熱戲

無綫《東張西望》主持利穎怡（Joan）最近自編自演網劇《有朋誘》，預告片內與兩位男主角均有親熱戲，身穿內衣的Joan大晒事業線，網友紛紛畀Like激讚她身材好及聲音好聽！不過近日播出首集後因情慾戲欠奉，網友均表示失望！Joan受訪時表示原本是想拍純愛情片，但男性友人認為不夠現實，故此才加入床戲，Joan又向Fans派定心丸，笑言第二集會更有「睇頭」：「但係希望大家將重點放番去劇情度，而且今次我一手包辦好多嘢，最難係搵Sponsor同埋剪片。（拍內衣尷唔尷尬？）有少少，要灌酒壯膽，我其實對酒精有啲敏感，第二日皮膚都出晒紅疹。」