愛貓隨地屙田蕊妮日哦夜哦

陳婉衡投入整美食。

藝人田蕊妮、黃芷晴、徐肇平、陳潔玲、陳婉衡、劉萬儀、新鴻基地產代理租務部助理總經理劉文豪、高級租務經理林凱雲和羚邦動畫國際有限公司授權部副總裁趙小鳳，昨日出席「將軍澳中心X加菲貓 "Eat'Mas" 為食派對」活動。席間，無綫台慶劇《來自喵喵星的妳》主角阿田使出扮貓賣萌絕技，而陳婉衡整加菲曲奇時烏身拋胸勁養眼。談到聖誕臨近，阿田預計聖誕節會開工，但平安夜當日可放假，希望可以食到老公杜汶澤煮的佳餚：「好耐冇食過！（定係你煮？）佢一定要佢煮，我煮佢會彈三彈四！」問有否考慮為愛貓Momo搵個伴，阿田即說：「佢唔會肯！」又爆愛貓最近發脾氣隨地大便：「知道係因為我哋兩個冇時間陪佢至係咁。」又笑指自己每日會「哦」牠去沙兜方便。

黃芷晴笑老竇呷醋

而黃芷晴坦言想旅行度佳節：「但冇人陪！（男友唔得閒？）之前10月底同佢去咗沖繩，唔想佢請咁多假。」她又指最近學整甜品，問是否為男友而學，她笑說：「佢乜都食，但我話親下廚佢都好驚。」更笑指爸爸黃日華和男友經常一齊試其手勢，但有時只有兩父女時她不想下廚，搞到爸爸呷醋。

田蕊妮透露平安夜不用開工。	黃芷晴、徐肇平、劉萬儀	（後排左起）陳潔玲、陳婉衡、羚邦動畫國際有限公司授權部副總裁趙小鳳、田蕊妮、新鴻基地產代理租務部助理總經理劉文豪、黃芷晴、新鴻基地產代理租務部高級租務經理林凱雲、劉萬儀、徐肇平一起迎聖誕。

至於徐肇平表示因為工作，或未能與媽媽黃淑儀返溫哥華與家人過佳節，記者笑指他多緋聞女友不愁寂寞，他即笑說：「係好多朋友！（搞聖誕Party？）媽咪唔喺屋企就可以！」

文：影視組