謝霆鋒謀息影揸鑊剷

年僅36歲的謝霆鋒為美食付出不少努力終得回報，日前獲世界美食權威米芝蓮指南認同，成為自1900年該指南成立以來，首位個人獲得「米芝蓮之友」榮譽，更令他有意全力發展其「鋒味」事業，日前霆鋒在澳門新濠影滙舉行的星級晚宴，與七名星級名廚同場獻藝，他的作品「秋天的甜酸苦辣」，0.3毫米的啡橙色楓葉形鋒味薄脆伴西班牙凍湯，帶出秋天回憶，他接受本報獨家專訪時，首度透露有「息影」念頭。

問霆鋒可考慮開一間真正的「鋒味餐廳」？他直認：「會諗，但先要自己嘅團隊好紮實先可以成事，開咗就唔想去玩，我亦知自己嘅『死人性格』開咗就拍唔到戲，每日返餐廳睇實員工。（即係棄演從廚？）Maybe，真係睇心情，自己好清楚個心喺邊度，但覺得依家仲可以（美食同娛樂），同埋係健康嘅訊息，透過煮食過程有好多得着，希望時下啲年輕人唔好只顧住打機。」自認是「標準宅男」的他愛打機，但現已「移情別戀」：「打機少好多，因要去搵食材。」

為取食材幾歷驚險

在製作美食節目《十二道鋒味》系列中，為覓珍貴食材每次霆鋒都以身犯險，記得有次帶楊紫瓊到南非摸犀牛角，其實犀牛一抬頭就有受傷可能，另一次到鴕鳥身邊取鴕鳥蛋，始終動物會亂撞，都相當危險。

其實入廚令霆鋒改變了不少，提到女友王菲，被問可會迎合女友及家人的口味而炮製美食？霆鋒坦言：「做廚就要咁做。」覺得在娛樂圈習慣被寵壞，但做廚師時就要「還」：「一日要畀人批評三十次，但就係會為咗佢哋而改變。」他又透露曾被人狂潑冷水，更試過被兜口兜面批評：「話我煮啲嘢唔好食。」

視「廚魔」為靈感來源

霆鋒由演藝界多棲藝人升呢為「米芝蓮之友」，憑無限毅力，正如他所說視廚房為「修行地」：「有好多菜煮過一萬次。」原來天分及好學心亦是其成功因素，霆鋒說：「依家個年代唔係下下一定要學炒餸切菜，我冇正式學過，一有時間會搵啲前輩學吓嘢。」問到在星級晚宴中，跟七位國際頂尖名廚同場，霆鋒表示望有合作機會，尤其跟譚國鋒及「廚魔」梁經倫私下是好友，不時向他們請教，「廚魔」更是他其中一個靈感來源，因為對方沒正式學廚，但仍取得三星榮譽。

文：音樂組