否認《溏心3》告別作 黃宗澤：就嚟死咩？

近200位無綫藝人前晚出席節目巡禮宣傳明年節目，騷後眾星受訪，黃宗澤被傳將約滿無綫，他未肯透露動向。問到《溏心風暴3》是否其告別作？他笑說：「就嚟死咩？就算唔喺無綫，大家都會保持良好關係，真係好有感情，我第一份工就喺呢度。內地工作叫價係好吸引，但唔可以全力喺內地嘅。」蕭正楠及王浩信是明年最多劇拍的小生，問到可覺攞獎機會較大？浩信直言想獲獎，阿蕭則說：「我哋唔勤力會被後起之秀爬頭，好似曹永廉一怠慢就畀人追上嚟！」