周麗淇拒烏身：有金都唔執
藝人周麗淇（Niki）前晚性感現身活動，露出罕有的「事業線」，她自言大個女要豁出去，卻驚青不敢烏低身，笑指有金也不會執！
前晚周麗淇身穿黑色低胸裙出席救助瀕臨絕種動物的慈善晚宴，出席的有著名動物學家Jane Goodall、搞手戴尚安、名模Rosemary、Cara G.、Jocelyn、Ana R.等。平日密實見稱的Niki，是晚低胸露出事業線，令人眼前一亮，Niki似乎不太習慣，不時以手遮胸。問到是否做足安全措施？她說：「貼咗好多膠紙。（有冇請教『打底王』家姐周汶錡？）我仲勁過佢啦，我連着T-shirt都打底，我依家連烏低身都唔敢，頭先一嚟到有人話我跌咗嘢叫我執，我有金都唔會執！」
談到好友蔡卓妍自爆恨結婚生子，Niki說：「佢結過啦，我哋傾過依家要努力搵錢，女人唔可以靠男人。」對於舊愛鄭嘉穎被指與現任女友陳凱琳同居，她說會替所有有情人開心。
Ana R.唔撐特朗普
而擁一半美國血統的名模Ana R.提到特朗普當選候任美國總統，並不興奮：「佢係個好好嘅生意人，但未必適合從政，同埋佢太太影過咁多裸照，好多社交平台都睇到，我覺得第一夫人應該要莊重。」Ana指母親及弟弟也有投票，但她不認同特朗普的偏激言論及行為。同場的藝人廖碧兒被問及有關舊愛劉愷威與同劇拍檔王鷗傳緋聞，她表示沒有留意，但直言恨拍拖！
文：名人組