藝人王卓淇、莊思明、鄧佩儀和黎振燁等昨日到九龍公園體育館出席活動，卓淇自爆零運動：「我冇做運動，而且我拉筋個樣好趣怪。（鍾意運動型男士？）鍾意，好健康又可以鼓勵我做運動。（緋聞男友吳業坤狂做gym？）睇到佢IG（Instagram），加油！（有睇真人？）冇，唔夠膽。（怕佢Fans攻擊你？）冇冇冇，大家係好朋友，唔好有緋聞。」同場的莊思明則恭喜黎諾懿說：「恭喜佢一索得男，我哋一早知。（幾時到你？）我婚都未結喎！（先有B後結婚？）我怕着婚紗唔靚呀！」
