鄧穎芝撐林書豪 千三蚊集郵失敗

歌手鄧穎芝（Vangie）日前孖妹妹飛到美國紐約旅行，熱愛籃球的她趁機欣賞紐約人主場對籃網NBA比賽，最終紐約人以110:96擊敗籃網，身為籃網正選控衞林書豪粉絲的Vangie說：「人生第一次睇NBA，原來咁緊張同刺激，林書豪受咗傷冇得落場，全程坐球員席，我係咁拍同喪望，又係咁揮手，不過佢冇望我。」對於輸波，她說：「佢今日冇打，可能佢有份打會贏呢，不過對手都打得好好。（可有同球星影相？）想，但我買170美金飛（約港幣1,300元）落唔到去，下面嗰啲係VIP位成幾千蚊一張，最想同林書豪合照。」