拉姑拉隊撐場鋒味甜入心

狄波拉（拉姑）昨晚到場與霆鋒分享喜悅，並以六位數字偕老公鬍鬚Kong及好友包枱力撐，同場有名媛薛芷倫、著名製作人陳淑芬、陳山聰哥哥夫婦及藝人劉思希等。拉姑受訪時多謝各界對霆鋒的支持，她說：「今日唔使睇《鋒味》個節目，仲可以食到！（霆鋒喺你心目中係米芝蓮大廚？）作為媽咪，畀個心出嚟就得啦！我都好佩服佢嘅堅持，覺得佢真係愛上烹飪！」她透露霆鋒經常炮製新菜式，並邀請家人試食：「阿仔煮乜阿媽都覺得好食，最記得有次佢整薄餅，由朝整到晚都係得呢樣，因為整得唔好佢再整過，但係由我讚唔係咁好，等大家去評分。」問到可贊成霆鋒開餐廳？拉姑表示要交由霆鋒自行決定。