霆鋒撈過界想做米芝蓮食評家

謝霆鋒近年由藝人躍身成為「鋒味廚神」，憑着對美食及廚藝的追求，獲全球美食權威米芝蓮邀請出席昨晚在澳門新濠影滙舉行的米芝蓮與Robert Parker Wine Advocate首場星級晚宴，與七位星級國際名廚及世界級甜品大師為現場600名賓客設計菜式，大展廚藝！晚宴開始前，身穿廚師服的霆鋒在社交網玩直播，緊張地表示因為活動延遲，擔心澳門的濕度會影響菜式中的「鋒味薄脆」，所以暫時不將菜式上盤。

拉姑感觸落淚

打頭陣出場的霆鋒帶着自家設計的「秋天的甜酸苦辣」上台，向賓客介紹設計靈感及意念，連米芝蓮指南國際總監Michael Ellis都表示非常讚嘆！霆鋒提到因拍攝節目《十二道鋒味》而到訪世界各地尋找美食，Michael指其行徑與米芝蓮指南的食評家相似，深感興趣的霆鋒即趁機問對方現有食評家數量，似乎想自薦做食評家，可惜Michael卻坦言現時的食評家已足夠運作，慘食檸檬的霆鋒即說：「扯！」

在新濠影滙舉行的「感官之旅」星級晚宴，宴請600名食客品嘗佳餚。	（左起）謝霆鋒、Guillaume Galliot、Pierre Hermé、梁經倫、松尾英明、譚國鋒、Bjrn Frantzén、金坂真次 霆鋒與七位星級國際名廚及世界級甜品大師大展廚藝。	霆鋒上台介紹菜式的設計靈感。

此外，霆鋒承認過去與家人關係並不親密，直至學會烹飪後才令關係有所改善：「我每次返屋企都會煮一道菜畀屋企人食，可以感受到溫暖，所以大家學吓煮嘢食畀屋企人食喇！」特意到場支持愛兒的狄波拉（拉姑）聽到霆鋒的真情剖白後亦不禁落淚。霆鋒又獲Michael頒發史上首位「米芝蓮之友」的榮譽。

靠下廚享家庭樂

受訪時，霆鋒坦言因烹飪而多了一個健康平台與家人交流：「直至我學廚後，發現煮嘢食唔淨係煮畀自己食，要同屋企人分享，好似問阿媽細個食啲菜點整。我開始呢個習慣後，發現同邊個都係，好唔好食已經離咗題，最重要係分享嘅過程。」他希望勸勉時下年輕人放下電子產品，走出去外面看看這個世界。至於提到女友王菲日前回港做近視手術，他說：「唔好諗咁多。（冇事？）嗯。」提到他被拍得與王菲的女兒竇靖童相處融洽，他表示不會回應。

攝：司徒國榮