孖住胡敏珊Sell牙膏 張繼聰搵大肚Kay做白老鼠
有鐘錶界美女之稱的胡敏珊神隱多時，近日復出並轉做代理美白牙膏生意，獲好友張繼聰及太太謝安琪（Kay）力撐，Kay雖然粗身大細，但仍然親身試用，認真夠老友！
現年39歲的謝安琪早前宣布追女成功，將再做媽咪，現時深居簡出停工養胎，近日其老公張繼聰替好友胡敏珊（Christy）代理的日本美白牙膏任代言人，謝安琪也在背後出力，為撐好友而試用。久未露面的Christy早前聯同張繼聰為其代理的日本「Li-ZEY萊思藍光光速美白牙膏」拍廣告，穿黑色連身短裙的她依然索樣，身材fit爆。
踢爆全程笑瞇瞇
對於今次回歸卻不做老本行腕錶，Christy強調一向喜歡新嘗試，有次無意中發現此產品，感覺神奇，便決定代理返香港，回港後她送了一套牙膏給張繼聰和謝安琪，一星期後就收到張繼聰電話，她說：「佢話太太啲牙齒本來已經好白，依家仲白。」她指拍攝廣告當日仍未知謝安琪懷第二胎，但就踢爆張繼聰全程笑瞇瞇，每次提起老婆都四萬咁口，她說：「好戥佢哋開心，佢係好好先生、好老公兼好爸爸，諗住一世贊助佢哋全家人牙膏。」
Christy說原本只是拍張繼聰，不過身邊工作夥伴看過後期製作的照片便不斷游說她出鏡，最後她亦粉墨登場，雖然差不多三年未有面對鏡頭，但仍表現佻脫。
「瞓喺坑畀老婆過」
此外，張繼聰昨日宣傳新劇時被問到日前被本報拍得與謝安琪外出，途中要對方換回平底鞋，他解釋太太佗B腳腫令鞋子不合腳，是太太主動要求買新鞋：「佢好乖，我返工嘅話佢就留喺屋企，所以我放假就同佢出街。我依家隨傳隨到，路上有坑，我都瞓埋去畀老婆過。」
文：名人組