郭羨妮囡囡話事 歐洲過聖誕
女星郭羨妮（Sonija）與湛琪清昨日現身尖沙咀，於新太陽廣場出席「柏靈頓寶寶聖誕世界巡禮」，與新鴻基發展（中國）董事總經理馮秀炎、新鴻基地產代理有限公司助理租務總經理黎婉媚宣傳商場活動。
久未露面的Sonija以露背裙高雅亮相，湛琪清則身穿藍色短裙騷長腿，Sonija表示近期忙於在內地出活動，她亦希望能多接香港的工作，與大家多見面同時方便湊女。講到聖誕節，Sonija計劃與家人度過：「會煮好多嘢食、布置聖誕樹，一定要畀個好溫暖嘅聖誕畀囡囡。每一次放假都想一家人去旅行，但囡囡聖誕前仲有跳舞比賽，老公又要工作，要再約一約。（由囡囡決定去邊度旅行？）囡囡本身鍾意海灘，佢都想見聖誕老人嘅，有諗過去英國過節，最緊要係屋企人開心。」
戲癮發想演舞台劇
早前好友馬浚偉主理的舞台劇公演，Sonija表示有捧場支持，亦令她戲癮大作：「好好睇，製作好好，搞到我都想演戲！（自薦參演？）佢話下一部預咗我呀，叫我唔好推。（想拍番劇？）要睇劇本，始終拍劇都辛苦。（等囡囡大啲再考慮？）時間短啲可以考慮，始終同小朋友嘅相處時間過咗就冇，自己想多啲陪佢。」
文：影視組