羅霖匿廁所練奸樣

「美魔女」羅霖將於1月拍攝無綫劇集《深宮計》，故趁這兩個月空檔去旅行，遊完新加坡再去日本，12月再與囝囝外遊。羅霖出席活動時表示，新劇中她將演奸角，現時每日在廁所內練習演技：「演奸角要靠眼神去表達，囝囝嫌我喺廁所太耐，我又擔心記性，自己年紀唔細又生過三個，記性會冇咁好，都有壓力，我要食多啲嘢去補腦！」同場的韓國女星Clara（李成敏）就即場晒廣東話，還自爆周圍跟人學，但就沒有人教她講粗口。稍後Clara將接拍一部內地動作片，她坦言愛拍動作片。對於香港有格鬥真人騷節目，問她有否興趣演出？Clara說：「有機會嘅話，我都想參加。（唔驚畀人打傷塊面？）會打面？我要拍戲，我要顧住個樣喎！」