東網電視：細說與學友不和傳聞 黃凱芹解畫：完全冇心病！
歌手黃凱芹（Chris） 日前接受《東網電視》節目《娛樂onShow》訪問，大談今年推出以日文改編歌為主題的發燒唱片《桜花の時期》的因由，又細說當年有指他與張學友不和的傳聞。
黃凱芹日前現身《ontv東網電視》節目《娛樂onShow》，接受主持人陳振安訪問，大談製作新碟《桜花の時期》的苦與樂。繼前年推出唱片《天王時期》及去年為前輩黃霑和顧嘉煇致敬而推出的《輝黃時期》後，Chris今年再接再厲，推出以日文改編歌為主題的發燒碟《桜花の時期》，他認為重新演繹改編歌，需要更有心思，解構原曲，他說：「由製造《天王時期》再到舊年嘅《輝黃時期》，雖然珠玉在前，有晒原本樣辦，但我哋唔一定要跟佢。亦唔會因為出發燒碟，而特意做到發燒碟愛好者喜歡嘅模式。我哋係跟隨自己嘅想法去製造呢張唱片，所以操守係唔一樣。」
別人的歌變自己歌
本地樂壇九十年代後期曾出現反改編歌熱潮，甚至負評這些歌為口水歌，身為唱作人的Chris坦言一向支持原創，亦有點抗拒改編歌，但這次他卻重新演繹這些改編歌，會否感到矛盾呢？Chris認為最重要是演唱時的出發點：「改編時唔係為變而變，而係用自己嘅角度點睇呢首歌。將自己嘅觀點與角度、風格擺喺首歌度，將首歌變成為自己度身訂造嘅歌。」
只係有人從中作梗
在新碟《桜花の時期》中，Chris重新演繹張學友的《情已逝》，有傳學友當年曾經向身為唱片騎師的Chris投訴，指他在節目中不播放學友的作品，Chris重申：「我係好鍾意學友嘅，當年只係有人從中作梗，其實我有播佢嘅歌，我哋係完全冇心病！」另外，Chris亦評價了幾位後輩歌手及分享對樂壇頒獎禮的睇法，想知更多精彩內容，請留意星期一至五《ontv東網電視》節目《娛樂onShow》。
文：專案組
場地：通利琴行