王卓淇外遊人見人愛 大膽叫仔追！
藝人王卓淇（Erin）拍畢劇集《我瞞結婚了》，便與朋友飛到歐洲旅行，此行被人大讚靚女：「去到其中一個景點，有個年輕嘅外國女仔話想影相，之後我話『OKOK』就行開，點知佢叫我返轉頭，係話原來想影我，咁我梗係問點解啦，佢話我好靚。我聽到好開心，好少外國女仔讚亞洲女仔靚。」
Erin自爆繼上次在馬爾代夫有艷遇，今次又遇上熱情大叔，她說：「有個大叔特登揸車揸慢啲，之後佢突然響按，之後扮錫我咁，真係好熱情。（你上次去馬爾代夫都有艷遇！）係呀，其實亞洲男仔太怕醜，外國男仔比較擅於表達自己，大家應該大膽啲，喜歡我嘅人應該主動追我！（冇拍拖？）我單身好耐。」
