陳美伊恨做張家輝個女

擁有甜美外表的影壇新人陳美伊（Melrose），入行前是一名健身教練，絕對是動靜皆宜，最近拍攝網絡電影《一炮三響》飾演女主角的閨密，最難忘是要在戶外捱熱跳舞：「嗰日喺茶果嶺拍外景，好熱又好焗，但要着住高踭鞋跳舞，仲要跳咗好耐！不過難處都係天氣啫，角色同對白唔算難，因為都似我真人。」對演藝充滿憧憬的Melrose渴望跟影帝張家輝合作，欣賞他搞笑幽默之餘，對拍戲更是非常認真：「睇佢為《激戰》練到咁大隻就知！我想同佢合作，可能係拍《激戰2》做佢個女教我打拳。（你肯練爆肌？）我知道方法，要我練到一身肌肉都得！」