《玄學星相》：張倫碩 鍾麗緹命格相沖就晒惡妻

自出道以來，鍾麗緹一直都是男士心目中的夢中情人，為甚麼她的異性緣會特別旺盛呢？玲玲師傅表示與她的性格有關：「因為佢幾特別嘅，八字呢年同月相合，可能有時諗嘅嘢，男人會覺得佢好有趣、好有活力，同埋有時佢係幾天馬行空嘅。二嚟佢嘅命格本身真係桃花旺，再加埋性格上有獨特之處，所以係好可愛，亦都係佢嘅吸引力之一！」

相處得耐會發爛渣

鍾麗緹與老公張倫碩在北京完婚，兩人曾表示欣賞大家性格與價值觀都十分相似，玲玲師傅則指男方很遷就女方：「佢哋兩個都屬狗，嚴格嚟講狗都係群居生活嘅，都可以一齊。可惜呢，佢哋嘅出生日期係有啲相沖，我就建議佢哋相處模式一定要聚少離多，因為一個（鍾麗緹）就『壬寅』，一個（張倫碩）就『丙申』，『丙壬沖』、『寅申沖』，係『天干相沖』、『地支相沖』。喺呢個『相沖』入面，代表相處得耐，大家就唔得喇！即係會頂頸、面黑、發爛渣，所以如果唔係成日見到，你有你忙我有我忙，梗係好啲啦！如果唔係真係要非常遷就。不過男仔本身性格都會強，但係無疑佢對佢老婆係遷就，咁同埋佢命入面都有一個比較有個性同惡少少嘅老婆。」

麥玲玲在最新一集《玄學星相》分析鍾麗緹的情路，要睇趁手！	張倫碩愛屋及烏，睇得出佢就晒鍾麗緹啦！	鍾麗緹與張倫碩同樣肖狗，同住梗係啱Key。

想繼續聽師傅點講？只要Click入《東網巨星》的「視娛樂」，睇《玄學星相》就更啱Feel！

Link：https://goo.gl/8db4tc

文：專案組