蘇志威綵衣無雙 傳承後代
榮升「馬主」的歌手蘇志威（蘇老闆）最近與內地著名服裝設計師郭培合作，為馬主系列訂製獨一無二的綵衣，蘇老闆表示馬會規定每個馬主的綵衣都不同，他說：「我覺得好有意思，因為好多人結婚有嫁衣、裙褂擺好多年，我構思呢個系列係希望馬主擁有呢件衫，將來我哋啲小朋友或後代見到呢件衫，就知道曾經擁有呢隻馬。」
蘇老闆擁有的「駿王」雖然腳傷療養中，但他跟馬主好友施雅治就擁有屬於他們的獨特綵衣，他說：「綵衣每針每線都係人手刺繡，用咗唔同嘅金色、啡色，起碼做咗十年以上嘅師傅先可以用金線，因為金線好易斷，每一條金線只可以縫七針，我綵衣上嘅紅心，設計師畫咗隻馬落去，下面嘅羅馬數字係我駿王嘅出生日期。」