歌手糖妹、陳慧敏及主持人林盛斌昨日出席蘭桂坊舉行的活動，問到糖妹有否試過到蘭桂坊識男仔？糖妹說：「冇，只係同朋友飲酒。（試過飲醉？）未，因為同行嘅人比我醉先，要我照顧。」單身多時的糖妹直認難覓對象，並笑說：「孤家寡人。（去蒲識吓男仔？）又唔會，識朋友啲朋友啦。」由於她即將返內地拍劇，記者笑指可以搵個內地富二代，糖妹大笑說：「真係咁易咩？我咁多年嚟都自力更生。」對於年底的各大音樂頒獎禮，糖妹表示必會出席：「係尊重，同我仲係樂壇一份子。」
