張達倫撐舊愛芷珊場

藝人黎芷珊的眼鏡品牌昨日參與在會展的眼鏡展，前日結完婚的張達倫亦現身為舊愛芷珊撐場，兩人曾相戀9年，於4年前分手，但兩人再見亦是朋友，經常互相支持。芷珊還笑張達倫：「你啲酒味未散喎。」達倫笑言：「我都怕唔知醒呀！」芷珊稱對方婚禮撞正眼鏡展首天，所以未能抽身出席，會再約一對新人食飯補數及贊助一世眼鏡任戴。另還有胡杏兒及麥長青任嘉賓， 講到有傳她有身孕？杏兒否認有喜：「有一定同大家講！有就好，可以喺屋企做女王，有人斟茶遞水畀我。」杏兒稱歡迎大家給她造人秘方，亦會向好友陳敏之及鍾嘉欣取經。