梁朝偉送古董珠寶 劉嘉玲至啱心水

藝人劉嘉玲昨日穿上連身裙，佩戴價值千萬的首飾出席珠寶店開幕活動，現場人頭湧湧。嘉玲透露有收藏珠寶的習慣，每逢慶祝生日及喜慶日子都會買首飾氹自己開心，老公梁朝偉亦會送首飾。問到老公送贈的首飾款式是否合心意？她說：「啱！唔係錢嘅問題，係心意。（喺節日送定係驚喜送？）撞啱，佢喺歐洲拍戲，經過見到古董珠寶，知我鍾意就會買畀我。（之前意大利地震，佢喺嗰邊，你擔唔擔心？）佢第一時間同我講，佢離震央唔係好近，天災人禍避唔到，自己小心啲就OK。」