主打歌千萬點擊破紀錄 JW萬歲慶功
歌手王灝兒（JW）去年憑主打歌《矛盾一生》人氣急升，歌曲上載一年零一個月，錄得逾千萬點擊率的佳績！JW自掏腰包搞邊爐宴慶祝，坦承此曲回報很大，帶挈其身價幾級跳！
JW去年底轉投新唱片公司，憑《矛盾一生》一曲人氣急升，歌曲當日上載短短兩日已錄得逾14萬點擊率！其實每年香港樂壇至少推出過百首新歌，單計JW今年亦推出了七首新歌，但《矛》曲走勢凌厲，上載13個月後，點擊率前晚衝破1,000萬，被形容為「史上最快有千萬點擊的原創廣東歌」，JW即開心得舉行慶功宴！
五位數字埋單
昨晚，JW預備了五位數字在銅鑼灣宴請一班幕後團隊打邊爐慶祝，慶功宴前她接受電話訪問：「真係好開心！我爹哋日日都上網睇吓首歌嘅點擊率，好似睇股票咁，尋晚一睇到過千萬點擊，即刻截圖喺屋企人群組開心Share！」她透露上周已留意到該曲錄得九百九十多萬點擊，當時已約定製作團隊食飯慶祝一番，如今再衝破千萬點擊率，可謂喜上加喜！問到男友可會現身慶功宴？她笑說：「今晚係同公司、團隊食，遲啲先同屋企、朋友再慶祝。」
身價幾級跳！
JW坦言當初完全沒想過《矛》曲會錄得如此佳績，問到可有構成壓力？她說：「希望我嘅歌都可以有咁好成績，但要有千萬點擊真係好難！」歌曲內容講述一對情侶中，男方絲毫沒打算結婚，JW說：「我喺網上睇咗啲評論，有啲網民話經歷過咁嘅事，可能係冇乜呢啲題材嘅歌曲，所以容易引起共鳴。」她又坦言此曲回報大，對她而言是一種肯定，問到收入是否跳升數十倍？她笑說：「唔知幾多倍，但今年過得好充實！（獎勵自己？）我都有諗，想買啲乜嘢或者去個旅行，但仲未諗到。」
文：音樂組