朱咪咪新年騷 告別紅館

藝人朱咪咪明年2月3及4日（大年初七及初八）將於紅館舉行《朱咪咪利利是是演唱會2017》，昨日她出席個唱記招時，透露今年五月起已開始入紙申請紅館，惟未有獲批，但突然有日收到電話指紅館有期：「可能有人要唔到掟番出嚟，我仲諗未必係好嘢，一聽到係初七、初八就即刻扑槌再申請。好多人申請（口架），但好好彩抽到我哋！」又大爆今次將會是最後一次紅館個唱：「好攰（口架），做個唱好大壓力，錢搵得幾多吖，個唱我要自己度好多嘢，又擔心啲人嘅反應。」但她澄清並不是退休或患病，因她仍會拍劇、出騷及到外地登台。