否認有另一半 黎瑞恩：咪截我米路！
歌手黎瑞恩（小恩子）與李司棋昨日出席本周六（11月12日）舉行的慈善演唱會綵排，小恩子被問到是否復出樂壇？她說：「唔知係咪叫復出，只係想做自己開心嘅嘢，唔會以前咁頻撲同接太多騷。」又透露最新發燒碟將於本月底面世，問到緋聞富商男友鄭應南是否支持他復出？她說：「邊個另一半呀？唔好截我米路，大家係朋友。（有冇人追妳？）唔知，唔好搞咁多，畀我休息吓，依家年紀唔同，唔係細路女咁易畀人呃。」
對於關淑怡日前傳出被分手疑似跳海自殺，小恩子說：「有打畀佢，佢喪笑話黐線神經咩，唔係跳海。（佢近年行為異常？）唔使諗太多，有啲人覺得我傻傻哋，別人笑我太瘋癲，我笑他人看不穿。（叫佢手指隙漏啲男仔畀妳？）都好喎，彈啲嚟！」而李司棋坦言是個沒信心的人：「不過一工作就有奮鬥心同交足功課。（大壓力搞到失眠？）唔會，我係豬嚟食得同瞓得。」