SM密謀衝上紅館
樂隊Supper Moment（SM）一連兩場「溫柔革命十周年演唱會」前晚圓滿結束，主音Sunny講到十年辛酸史時一度嗚咽，唱《最後晚餐》前，大銀幕播出他們的已故經理人Gary的短片，Sunny連續兩晚喊住唱，台下觀眾開住手機燈，場面感動。
SM騷後直言有意踩入紅館，Sunny說：「研究緊咩時間同做幾多場。」對於Gary未能到場欣賞，四子說：「係一個遺憾，不過已過咗去，惟有我哋策動。」問到有否經理人向他們招手？SM說：「收過呢啲電話，依家未處理到。」隨即答謝個唱音樂總監王雙駿：「某程度好似接咗手咁。」由於Gary在短片中提到曾遭DJ取笑SM醜樣，問到有否邀請該DJ睇騷？SM說：「其實唔知邊個DJ，不過佢哋係講得好中肯，唔係有惡意。（爭番啖氣？）時至今日，我哋唔係靚仔，爭唔到氣。」