張達倫結婚 醉住造人博個仔

無綫藝員張達倫與太太陳鳳玲舉行婚禮，昨晚在深灣遊艇會筵開二十席，到賀的圈中人有楊明、莊思明、莊思華、高海寧、湯洛雯、岑杏賢等。張達倫表示，與太太是中學同學，之後再碰面拍拖兩年便結婚。講到「造人」大計，他希望明年造個人仔：「但係要拍《深宮計》忙到6月，希望爬兄弟黎諾懿頭。生一個夠喇！仔女都冇所謂，生仔媽咪會開心啲。（向徐榮取生仔經？）有呀，佢教我飲醉酒造人會好啲。（今晚不醉無歸？）唔會，唔想出醜。」高海寧（高Ling）被問到何時到她結婚？會否搶花球？她說：「已經接過，人哋話接得太多嫁唔出，會企遠啲。結婚係人生必做嘅事，我比較穩陣唔會閃婚，又唔想做高齡產婦，希望35歲前結婚，最少生兩個小朋友。」楊明坦言近期出席婚禮順道取經，他曾笑言要莊思明向他求婚，問莊思明求婚未？她說：「我肯佢都唔夠膽要啦，佢會笑我。」