王宗堯收養貓仔幫「兄弟」重逢

型男王宗堯外剛內柔，家中養了兩隻活潑愛貓8仔及Tigger，「三仔爺」可謂相依為命。談起兩隻愛貓，宗堯不期然露出慈父相﹕「佢哋依家兩歲幾，係兩兄弟，我喺慈善機構收養佢哋嘅時候得3個幾星期大咋。當時本來係攞咗大嗰隻返嚟先，我一位獸醫朋友就養住另一隻，點知朋友冇耐就帶咗細佬返慈善機構住，而我嗰隻就腸胃炎要返去睇醫生。兩兄弟重逢都黐埋一齊，真係唔捨得再分開佢哋。我上網做資料搜隻，發現養一隻同兩隻其實都冇分別，咪接埋細佬返屋企養囉。」
外表剛強的王宗堯抱着8仔，盡顯柔情一面。
外表剛強的王宗堯抱着8仔，盡顯柔情一面。

養8仔及Tigger之前，宗堯完全沒有養貓經驗，幸得好友伍詠薇教路。他稱：「佢成日打嚟畀貼士我，講真冇佢幫手，我都唔識點處理佢哋去打針、戒奶嘅問題。」善心爆棚的宗堯一有時間，會到慈善機構做義工：「我比較喜歡幫啲小型機構，因為佢哋資源唔多。我會去幫小動物清潔、探吓佢哋。我覺得貓其實都好有人性，我嗰兩隻仲好識嗲人。」

兩兄弟經常黐埋一齊玩。
  • 兩兄弟經常黐埋一齊玩。
王宗堯非常疼錫Tigger。
  • 王宗堯非常疼錫Tigger。