莫鎮賢曾患抑鬱 怕變「癲王」
歌手莫鎮賢、周美欣及林千豔等昨日出席梅艷芳慈善音樂會發布會，莫鎮賢遺憾當年未有送病榻中的大師姐梅艷芳最後一程，他說：「梅姐一向都好關照我，但嗰時覺得太多人包圍佢，所以我好少跟梅姐出去玩。不過有次梅姐知我要陪妹妹，就話接埋我個妹一齊去玩，仲話一定會睇住我個妹，估唔到佢喺省善真堂個靈位就對住阿妹個靈位，佢真係睇住我個妹！」
他又透露當年梅艷芳、羅文、張國榮及妹妹相繼去世，大受打擊的他因而患上抑鬱症：「唔想見人，唔沖涼，成年唔出街。」當年娛樂圈有「四大癲王」，他坦言不想成為第五個「癲王」，所以拒絕求醫：「有朋友嘅家人有精神病科藥，攞咗畀我食，咁當然醫唔到我啦！」最後幸得鄺美雲幫忙及信佛，其抑鬱症才可以不藥而愈。
