鍾嘉欣完騷即飛撲返加國湊女

藝人鍾嘉欣（Linda）前晚出席品牌活動後，在經理人陪同下現身機場，準備飛返溫哥華湊女，十多名粉絲帶同禮物及信件送機。嘉欣辦理登機手續後受訪，她說：「會唔捨得香港，但有機會再返嚟嘅。（會帶女返香港？）我返嚟先諗啦！（返去實踐生夠四個嘅計劃？）都係講吓，隨緣。我啱啱生完，未得閒諗。（想B女叫『媽媽』定『爸爸』先？）叫咩先都好，我最想佢有個開心快樂嘅童年，同埋私隱。（好掛住BB？）第一次離開BB咁長時間，我有喊，但BB咁細個都唔知媽咪原來返咗香港，第時任何工作都以BB行先，要視乎工作形式再決定。（今次冇同好姊妹聚會？）好朋友唔使成日見，下次有機會。」