新歌念舊情？江若琳喊到甩Con
江若琳（Elanne）九月自揭與內地相聲演員分手，快將推出新歌《原來我還愛著你》的她被指憑歌寄意，除了有份填詞外，又處女下海執導MV。對於新歌有「愛的含意」，她說：「相信每段感情都有一個有效期，過期就要走出彼此嘅世界。」她與曹雲金拍拖四個月，早前分手收場，問到是否憑歌寄意？她說：「大家唔使咁大幻想空間，只係相信每個人都會遇到啲人好難忘記。」問到是否依然傷痛？她坦言：「當日大家係和平分手，分手唔開心嘅日子一定有，始終真心付出過投入過，依家展望將來。」
首次執導的她表示一口氣拍了16小時，過程非常辛苦：「劇情需要喊足半日，連隱形眼鏡都喊到甩埋！其實今次有啲自虐，因為我哋係用拍攝電影嘅方式去拍，同普通MV唔同，結果變成一部微電影咁。」她不忘感激著名導演Jacky Li擔任MV監製，助她完成導演夢。此外，MV邀得內地新演員唐曉天擔任男主角，Elanne說：「我同佢喺電視劇合作過，都係飾演一對。基本上我決定要拍呢個MV嘅時候，佢就係男主角不二人選，果然拍攝時好有默契！」
