周秀娜磨柱擘髀成身散晒

周秀娜、鄧月平及蔡瀚億等昨午在清水灣片廠開工，為鄭丹瑞（阿旦）執導新片《小男人週記3之吾家有喜》拍攝跳鋼管舞戲份。周秀娜事前專誠抽空上堂苦練舞技，拍攝時懶理舊患，腳踏4吋高踭鞋大騷長腿！在阿旦一聲令下，她即攬着鋼管擺出多個誘人姿態，期間多次遷就鏡頭擺位「Take 2再嚟」亦毫無怨言，動作大的她「腿張開」，更跳到股罅現形，非常落力！

想揼骨鬆一鬆

自言跳舞似機械人的周秀娜表示有興趣跳鋼管舞，但坦言動作受限制：「正式演出要着高踭鞋，頭先跪低嘅動作要拉盡條筋，唔能夠完全坐落去。（抽時間做手術醫腳部舊患？）醫生話做手術未必好得番晒。（日後繼續跳？）我屋企樓底冇咁高，放唔到鋼管，大家睇我拍戲就算啦！」她笑言跳到周身骨痛，拍畢電影後要請假兩天，按摩鬆一鬆！

唔止周秀娜，連鄧月平（圖）同談善言都出盡力跳鋼管舞o架 ！	談善言	（左起）：鄭丹瑞、談善言、周秀娜、鄧月平、蔡瀚億 阿旦安排片中演員齊齊跳鋼管舞，連蔡瀚億都唔放過。

蔡瀚億攬鋼管Moonwalk

阿旦受訪時大讚周秀娜表現專業，並透露連蔡瀚億亦會「加入戰團」：「蔡瀚億最後出場，仲會攬住條柱做Moonwalk動作添！嚟緊我仲安排咗蝦頭色誘張繼聰，有信心佢哋會做得好好笑，賀歲片想大家開心吓！」他表示這場鋼管舞戲靈感來自孻女：「佢好鍾意鋼管舞，我想將呢幕戲獻畀佢。戲內佢同家姐一齊客串，扮貪靚嘅OL喺背後藐我，完全係佢哋喺屋企會做嘅嘢！好多年前我拍過套戲，當時太太仲佗住細女、手拖大女嚟客串，近排佢哋睇番覺得好得意，咁咪搵佢哋嚟拍留個紀念，但老婆唔肯再上鏡喇！」

文：影視組