藝人宣萱、林文龍及譚凱琪（Zoie）前晚出席劇集《不懂撒嬌的女人》煞科宴，宣萱澄清被指拍劇有「小鮮肉」陪伴，她說：「嗰個係林文龍助手，我做得佢阿媽。以前試過同細我四年嘅男仔拍拖，唔Work！（屋企冇催婚？）已經唔催，我亦未遇到啱嘅追求者。」
林文龍被問到老婆郭可盈胞弟郭可頌與名模熊黛林結婚，他說：「開心事，都祝福嘅！（送咗咩禮？）金金銀銀，心意啫！（傳授夫妻相處、生B心得？）每對couple都有自己相處之道，生B心得要問薛家燕，佢經常私下向後輩口述心得。」
