女星雨僑經常在網上跟粉絲、網民開心Share，本周三晚（2號）雨僑在facebook上載在公共浴室內的照片，她透露因為家中熱水爐壞了，她跟跑隊訓練完後，走到公共浴室沖涼，又自爆成頭泡的時候被清潔阿姐催促，因要關門了，最後她還輕鬆表示：「其實公廁落妝，又有咩好怕喎！」
雨僑這個Post被網民狂轟，指更衣室有張貼通告寫明不能使用攝影工具，網民揚言會向康文署投訴，更揶揄雨僑：「有正常思考能力嘅都唔會响更衣室影相！」有網友則力撐雨僑，當日跟雨僑到公共浴室的同行友人更與網友掀罵戰，雨僑留言還擊：「我最怕睇完圖睇完旁觀者對質無限捉字蝨嘅人……有爭議性嘅事唔介意大家討論，我好少刪post刪留言，但係太無質數嘅人身攻擊唔好衝出嚟抽水，我會勸你唔好咁留意我，可能對你精神健康好啲。」
她接受電話訪問時說：「我冇違法，因為法例話如果對其他人造成騷擾先係違法，當時我同我朋友係最後兩個用浴室。無論係咪違法定係廁所冇人都好，如果post出嚟有其他人去學就唔係咁好，唔應該做個壞榜樣。」