王浩信開潮店「新歡舊愛」撐場
無綫小生王浩信於銅鑼灣開設潮牌專門店，前晚邀得分別於劇中飾演女友的蔡思貝、朱千雪、唐詩詠，以及Super Girls等現身開幕派對。講到首次做生意，王浩信透露投資了六位數字，曾讀設計的他坦言對此有興趣，故首次做生意也選擇熟悉的服裝行業開始，他說：「希望慢慢發展可以推出自己品牌。（會否用花名『Signal Wong』命名？）都幾好喎，再諗吓，哈哈。」
唐詩詠應好友邀請到場，被問到有沒有收酬勞？她說：「祝佢生意興隆，我哋講心唔講金，希望佢生意愈做愈大，到時可以同佢講金喇。」問到是否服裝任攞？詩詠說：「我哋冇特別要求喎。」蔡思貝則笑說：「睇老闆識唔識做啦，哈哈。」
問唐詩詠可有想過做生意？她說：「以前都做過食品生意，如果再做希望開餐廳，可以同王浩信合作，又可以買衫，又可以係食嘢。（會唔會同洪永城一齊做生意？）佢暫時冇咁嘅諗法，都可以(口架)。」修讀法律的朱千雪，笑言希望在兩個星期減5磅備戰台慶活動，她透露12月將開劇。