傳與徐濠縈反目 超儀：好憎人Upload相上網
徐濠縈早前上載好友陳子聰手術後的消瘦合照遭刊登後，有傳何超儀與她因而姊妹不和，阿徐否認傳聞指雙方有聯絡，惟超儀卻表示沒聯絡，更不諱言指與老公成為布景板，阿徐則有「分享症」。超儀昨日出席活動時提及此事，她說：「一日係姊妹，一世都係姊妹，但聯絡呢，近來老公有事先聯絡，朋友聚會少。」
超儀表示與老公不介意影相，明白朋友想分享喜悅，但不明白阿徐為何會被偷相。問到是否被出賣？她說：「大家放過阿徐，佢錯手，熟佢都知食飯佢會影菜（式）。（佢有分享症？）係，佢多手Post。（覺得唔受尊重？）有少少唔小心咗，佢打咗嚟耍冧，我原諒咗佢。」超儀明顯不喜歡阿徐上載照片至社交網，她坦言：「一向唔鍾意影相，好憎人上載相上網。」她又透露老公陳子聰仍在接受治療，大讚老公可以戰勝死神。
至於身在江蘇登台的蘇永康受訪時回應好友的風波，他認為友誼不會因一、兩件事而決裂：「阿徐係對朋友好好嘅人嚟，超儀都係，其實大家都係愛錫對方，只不過張相流出可能令子聰唔高興，有鬼冇辦法啦！」