鄧麗欣呻冇人追

藝人鄧麗欣（Stephy）昨日出席活動，對於舊愛方力申先後與多名女子傳緋聞，當中包括賭王女兒何超蓮，Stephy說：「應該有啲唔係真嘅。（同你一齊嗰陣都咁花心？）嘩！死喇！啱啱落車，唔識答。」隨即又維護小方：「冇花心，當然信佢為人。」問有否男士追求，她說：「冇，有冇好介紹？（小方同超蓮襯唔襯？）靚仔靚女實襯，襯唔襯唔重要，最緊要夾唔夾，佢同我都襯！（咁就應該復合之後結婚？）未來嘅嘢未知，我哋冇聯絡。」此外，有傳Stephy與台灣同性密友排球教練鄧衍敏撻着，她澄清雙方是朋友，問是否接受與同性拍拖，她說：「冇諗過，有先算啦！」