車婉婉是圈中出名的孝順女，和母親關係親密，她表示得知懷孕後已第一時間告知亡母，在亡母墓前報喜訊時忍不住痛哭，笑中有淚。她說：「我同細佬去媽咪墓前親口同媽咪講我有咗BB，當時我都忍唔住喊到豬頭咁，最近我又夢見媽咪，但內容唔係好記得，都係啲好溫馨嘅場面，我覺得係媽咪畀message我。」
她指除自己在母親墓前狂哭外，弟弟、弟婦及奶奶得知她懷孕也喜極而泣，她笑說：「大家知我咁嘅年紀，知我好忟水嘛！」問到可有遺憾不早點結婚生仔讓媽咪抱孫？她覺得世界沒有太多如果，不過如果母親在生，她一定食補品食到「阿媽都唔認得」。