爆老公急註冊 新婚熊黛林趕生BB

名模熊黛林（Lynn）前日突然宣布已跟郭可頌簽字結婚，昨日她婚後首度現身出席Volvo Cars Hong Kong活動，穿着紅色貼身裙的她左手戴婚戒，春風滿臉。問到註冊日子可有特別意思？她甜笑說：「冇，因為好忙，啱啱拍完戲返，婚期一直延遲，前日（26日）老公突然話不如尋日（27日）註冊，睇咗係吉日。（老公好心急？）佢都急咗一輪。（雙方家長冇嚟？）媽咪趕唔切嚟，得Kim（經理人）一個做證婚。（擺酒？）家姐講咗唔會大搞，好簡單，兩家人食餐飯。」Lynn直認心急生BB，並表示已準備好。又表示老公很支持她工作：「但如果有BB，為身體就要減少。」提到舊愛郭富城本月26日生日，與她結婚日子只差一天？她笑言早已忘記，亦不會刻意迴避。