蔡一鳳豪遊私人島 盛惠55萬
前亞視高層盛品儒與太太蔡一鳳拍拖出席美國慈善晚宴，席間蔡一鳳以7萬美元（約55萬港元）投得馬爾代夫私人島嶼豪華旅遊套票，做善事之餘又有得玩，將計劃與老公再度蜜月。
盛品儒（James）於美國時間27日晚上偕愛妻蔡一鳳（Michelle）出席美國愛滋病研究基金（The amfAR Inspiration Gala LA）慈善晚宴，是兩人首次出席該晚宴。原來此行Michelle主要是陪丈夫到洛杉磯公幹，順道出席晚宴，因決定出發的時間倉卒，未能安排化妝及髮型師同行，她說：「我喺當地搵化妝同髮型，佢哋係荷里活巨星御用化妝師同髮型師，價錢亦星級價，好貴！化一次妝3,600美金（約28,000港元），髮型都要3,600美金，我諗下次要飛自己嘅化妝造型師過嚟。」雖然收費高昂，但Michelle大讚手法及效果一流，感物有所值。
影星名媛雲集晚宴
晚宴上，Michelle遇上不少明星名媛，包括美國影星Teddy Sears、美國名媛Paris Hilton、脫衣舞孃Dita Von Teese和設計師Kenneth Cole等。身穿Temperley London Deep V性感晚裝的Michelle，當然把握機會狂集郵，合照期間更不經意「胸」贏密實現身的Paris Hilton。然而此行最令她喜出望外的是，於拍賣環節以約55萬港元投得心頭好：「拍到馬爾代夫私人島旅遊套票，可以六個人去，仲可以同海豚暢泳，諗都開心，準備同埋老公啲朋友一齊去。」
文：名人組