鄧穎芝家藏小型時裝店 收埋「BB裙」

歌手鄧穎芝（Vangie）的衣帽間好似一間小型時裝店，各式各樣的服飾、鞋履都有，當中一襲黑色羽毛裙，是Vangie上一次自資出唱片時搵專人為她度身訂造的打歌衫，她說：「係我嗰時第一首主打歌《變臉》嘅打歌服，係tailor made，出面冇得賣，條裙我自己好鍾意，好有紀念價值，因為佢代表咗上一次張唱片，就好似BB咁。」而黑色高踭鞋是她人生中第一對紅底高跟鞋，她笑說：「人人都話每個女仔都要買一對某品牌嘅紅底高踭鞋，好貴呀！差唔多成六千蚊一對，我自己都好唔捨得，但終於都擁有咗，我自己都好滿足，着咗嚟做騷，有時影硬照都有着，真係貴就貴，好睇就唔好着，次次着到隻腳鬼死咁痛。」