李佳芯骨感 加嘢唔自在

無綫藝人李佳芯、康華昨日出席美容活動，同場的仙樂都谷胸現身。李佳芯被問到可有興趣整容時，她反問：「我有需要咩？雖然我未去到完美，要求亦唔高，但自然就OK。（羨慕身材好？）我都幾骨，跟咗我三十年，加咗啲嘢會唔習慣，會唔認得自己。（男友是否滿意你身材？）我冇男友，如果對象放喺身材上，都幾懷疑呢段感情。（同陳炳銓轉為地下情？）感情一向低調，都係朋友，發展中，冇乜改變。（羨慕蕭正楠、黃翠如公開拍拖？）每個人嘅開心選擇都唔同，如果我有一日都咁開心就會同大家講，一段認真嘅感情係需要時間去發展。」