胡定欣畀貓恰 唔准抱抱！

田蕊妮（左）與胡定欣又神同步扮貓。

藝人陳豪、田蕊妮（阿田）、胡定欣和楊秀惠等昨日在荃灣出席無綫台慶劇《來自喵喵星的妳》宣傳活動，齊齊做「剷屎官」與貓貓玩遊戲。期間，定欣被懷中的貓貓喪恰，牠拒絕被抱，最後更不耐煩地跳走，視后都冇面畀！阿田受訪時透露愛貓Momo會主動陪她收睇此劇，問到播完是否即走？她笑謂：「廣告時間佢有行開，之後佢又返番嚟！」又笑指貓貓鍾意睇電視，特別是她有份演出的劇集。她又說自己忙完後，明年想與老公杜汶澤睇北極光。

陳豪極速5天歐遊

剛與老婆陳茵媺歐遊返港的陳豪，透露用了五日時間遊覽威尼斯和米蘭：「個Trip Plan咗成年！」又指之前因為照顧小朋友而放棄了兩次外遊機會，他說：「連錢都畀埋呀！（有冇造人？）三個夠喇！」此外，前晚《來》劇中，阿田與楊秀惠、定欣有鬥做瑜伽的戲份，秀惠坦言為了拍攝該兩日瑜伽戲，拉足兩星期筋：「其實睇唔睇得出最後係Key我塊面上去？不過最頭嗰啲真係我嚟，但太難嘅就唔係。」談到有網友笑指她該幕演出值得拎最佳女配角，她笑着感謝支持並說：「可唔可以話其他部分都做得好？」

胡定欣點抱隻貓都不肯就範，冇晒符。	楊秀惠演瑜伽戲獲讚，多謝觀眾支持。	田蕊妮家有愛貓，一抱就掂，胡定欣服未？

• 跪地餵貓貓
  （左起）：陳豪、田蕊妮、胡定欣、關禮傑

文：影視組