洪卓立拍拖旅行作嘔

歌手洪卓立昨日出席健康飲食活動，談及剛與女友湯怡從英國旅行回來，他即主動澄清：「今次唔係求婚、唔係預支蜜月、唔係兩個人去三個人返！其實係同一班朋友去旅行，同埋之前佢生日都未試過去旅行。」又透露帶女友玩很高的滑梯，但其實他不想玩：「因為我好易暈車浪，而個滑梯會係咁轉，但冇理由佢玩我唔玩，所以焗住玩，玩完真係想嘔，同埋腳軟！」他又自爆送了一個會放暖氣的掛頸小儀器給女友作禮物，問到何時求婚，他笑說：「總之呢幾年內啦！」