郭晉安深山野人 嚇親細路
無綫藝人郭晉安於電視城以深山大野人look為其主演的台慶劇《致命復活》拍攝宣傳片，安仔坦言再次化身野人，勾起不少回憶：「拍山洞戲嗰十幾日好凍，得五至七度，依家同拍嗰陣相比已經肥番二十磅，好考化妝師點畫番我啲輪廓出嚟。」
郭晉安對此劇信心十足，指劇情賺人熱淚，他說：「自己睇完頭兩集都忍唔住衝入廁所喊咗十分鐘，套劇用單機拍，真實感好強，好似真事咁，奉勸各位帶定紙巾睇。」問安仔可會讓子女看他的野人look？他笑說：「自己都掙扎緊，個仔都想睇，佢話啲同學仔見到爸爸頭髮好長、好恐怖，考慮緊畀佢睇部分。」